सिटी होटलको आइपीओमा आवेदन दिने आज बिहीबार वैशाख २८ गते अन्तिम दिन हो । लगानीकर्ताले आज कार्यालय समयभित्र यस कम्पनीको आइपीओमा आवेदन दिन सक्नेछन् । होटलले सर्वसाधारण लगानीकर्तालाई वैशाख २५ गतेदेखि आइपीओ निष्कासन खुला गरेको हो । यस होटलको जारी पुँजी १ अर्ब ६७ करोड ४० लाख रुपैयाँ छ ।

नेपाल सरकारले नागरिक बचतपत्र मार्फत सार्वजनिक ऋण उठाउने भएको छ । नेपाल राष्ट्र बैंकले सरकारको तर्फबाट २ अर्ब ८२ करोड १४ लाख ७० हजार रुपैयाँ बराबरको नागरिक बचतपत्र बिक्रीमा ल्याउन लागेको हो । 

हेज फन्डहरुले हालैको बैकिङ संकटको समयमा बैंकहरुको सेयर ‘सर्ट सेलिङ’ गरेर ७ अर्ब डलर भन्दा बढी नाफा कमाएका छन् । फाइनान्सियल टाइम्सका अनुसार बैंकको सेयर विरुद्ध ‘बेट’ लगाएर हेज फन्डहरुले कमाएको उक्त नाफा सन् २००८ को वित्तीय संकटयताकै सबैभन्दा उच्च हो । अमेरिकी बैंकहरुमा देखिएको संकट र स्वीट्जरल्यान्डको दोस्रो ठूलो बैंक ‘क्रेडिट सुइस’ को आपतकालीन बिक्रीले विश्वभरको बैंकिङ क्षेत्रमै हलचल ल्याएको थियो । 

 लाइफ इन्सुरेन्स कर्पोरेसन (एलआइसी नेपाल) ले चालु आर्थिक वर्षको तेस्रो त्रैमासको अन्त्यसम्ममा ८ करोड ३७ लाख रुपैयाँ खुद नाफा कमाएको छ । गत वर्षको यसै अवधिको तुलनामा खुद नाफा १२९४.९२% ले वृद्धि गरेको हो । गत वर्ष कम्पनीले ६० लाख रुपैयाँ मात्र नाफा कमाएको थियो ।

त्रिभुवन अन्तर्राष्ट्रिय विमानस्थलका अनुसार वर्षाका कारण ‘भिजिबिलिटी’ कम भएकाले आन्तरिक उडानमा समस्या आएको हो ।

ddd